Një kamerë në vend të syrit

Nje kanadez ambicioz nderroi syrin e tij artificial me kamerën-sy,
shpikjen e tij, ndërsa pamjet që ai sheh, do t’i shohin edhe
shfrytëzuesit e internetit nëpërmjet nje video-linku te posacem.
Regjisori nga Toronto, Rob Spence (36 vjeç), ka humbur syrin kur
ishte ende adoleshent në fermën e gjyshit të tij. Kohë më parë vendosi
ta punojë një kamerë në miniaturë për ta vendosur në gropëzën e syrit.
Prototipin që e ka punuar vitin e kaluar, revista “Time” e shpalli si
inovacionin më të mirë në 2009-n, ndërsa ai ia vendosi emrin “Eyeborg”.
Tashme në vend të syrit ka kamerën pa tel, e cila punon me bateri,
nuk është e lidhur me tru dhe nuk i ndihmon atij të shoh më mirë, por
xhiron të gjitha që ai i sheh. Po ashtu përmban edhe një transmetues pa
tel, nëpërmjet të të cilit xhirimet mund t’i emitojë në kohë reale në
internet.
Momentalisht modeli që ka transplantuar në sy ka rezolucion të
vogël, ndërsa transmetuesi ka ende valë të dobëta sa që Spence
detyrohet ta mbaj antenën afër për të pasur sinjal. Por versioni më i
mirë është në punim e sipër, dhe ka edhe një thjerrëz me ngjyrë të
kuqe, si në filmin “Terminator”.