1 milion euro marijuanë nga Shqipëria, hetim në Itali

Policia e Foggias në Itali në një operacion të posaçëm bëri të mundur sekuestrimin e 75 kilogramëve marijuanë e cila kishte mbërritur në shtetin fqinj nga Shqipëria.

Siç informon agjencia e lajmeve NOA.al, forcat e policisë bllokuan një makinë tip Opel Frontera furositradë, i drejtuar nga një 61 vjeçar italian.

Brenda në makinë u gjetën tre çanta të mëdha të cilat kishin brenda sasinë e lëndës narkotike.

Sakaq sipas analizave të bëra siç transmetojnë mediat italiane nga ana e policisë italiane thuhet se lënda narkotike ishte programuar të ndahej në 240 mijë doza dhe se nga të ardhurat në treg do të sillte rreth 1 milion euro fitim.

Sipas policisë thuhet se sasia e drogës ishte e destinuar për tregun lokal të Foggias dhe vinte nga Shqipëria, dhe pikërisht për këtë shkak kanë nisur hetimet për korrierët e saj./noa/