Ciljeta dhe Zajmina, nje histori “lufte” në infinit

Vazhdon historia e pafund e miqësisë, bashkimeve-ndarjeve, imitimeve
në luk, mes Zajmina Vasjari tdhe Çiljeta Xhilagës. Kanë qenë shoqe të
ngushta, u ndanë për një mashkull, u bashkuan sërish për një koncert
dhënë në qytetin e Pukës. Ky ka qenë fundi i lumtur i një historie të
gjatë lufte mediatike, zënkash, mërish e njëkohësisht miqësive mes dy
vajzave të spektaklit. Të dyja vajzat u bënë sërish mikesha dhe këtë
gjë e bënë publike në një koncert të dhënë në qytetin e Pukës, vetëm
pak ditë më parë. Puthje e përqafime mes të dyjave, përcollën qartë
mesazhin se sherri mes tyre është një histori që i përket së shkuarës.
Mirëpo fundi i lumtur nuk mbaroi me kaq. Zajmina vazhdoi ta festojë
këtë ribashkim, duke e imituar edhe njëherë mikeshën e saj, siç ka bërë
rëndom gjatë gjithë kësaj kohe. Ajo është shndërruar në një brune që
ngatërrohet fare lehtë me Çilin. Tani do të jetë vërtet e vështirë të
dallosh njërën nga tjetra. Të dyja kanë masën 5, (njëra natyral e
tjetra jo), buzë super të fryra, dhe që sot edhe flokët i kanë njësoj.
E nëse një mashkull hyn sërish në mes, nuk mund t’i vësh më faj, sepse
vajzat janë bërë si dy pika uji. Kë të marrë e kë të lërë i shkreti
djalë?