Rosi kërkon festë për 100 ndeshjet me Vilarealin

Sulmuesi i italian, ndaj Gijonit, do të luajë ndeshjen jubilare me “nëndetësen e verdhë”
Xhiuzepe Rosi shpreson të lërë gjurmë në ndeshjen e tij të 100 të me fanellën e Vilarealit, sot ndaj Sportingut të Gijonit në “El Molinon”. Rosi, i cili iu bashkua Vilarealit nga Mançester Junajtid në vitin 2007, ka pasur një fillim të shkëlqyeshëm të sezonit duke shënuar pesë herë dhe duke i ndihmuar të besuarit e Huan Karlos Garridos të grumbullojnë 19 pikë nga 24 të mundshme. Kjo e ka ngjitur “nëndetësen” në vendin e dytë të klasifikimit, vetëm një pikë larg Realit kryesues dhe ata synojnë të shfrytëzojmë momentin e mirë të formës që po kalojnë.
Gjithsesi, Rosi pret një ndeshje të vështirë ndaj asturianëve, që fituan 2 0 ndaj Seviljes në ndeshjen e fundit të luajtur në Gijon. “Ne jemi në një moment të mirë fizikisht dhe psikollogjikisht dhe shpresojmë që të luajmë një ndeshje të mirë ndaj Sportingut. Ne duhat të japim gjithçka të mundshme për të marrë një rezultat pozitiv në “El Molinon”, sepse Sportingu është një ekipi i mirë dhe para tifozëve të vet ushtron presion, tha sulmuesi i kombëtares italiane. - Jam shumë i lumtur që arriti 100 ndeshje me Vilarealin dhe dua të luaj edhe 100 të tjera.
Eshtë një numër relativisht i lartë për tre vjet dhe kjo tregoj se po i bëj gjërat ashtu si duhet. Kanë qenë vite të mira në nivel personal dhe ekipor. Kam shënuar 38 gola në 99 ndeshje. Eshtë diçka e mirë, edhe pse jo fenomenale. Do të përpiqem ta përmirësoj këtë mesatare në ndeshjen e ardhshme.” Edhe trajneri i Vilarealit, Garrido, pret një ndeshje të vështirë në “El Molinon”, por ka besim se skuadra e tij mund t’ia dalë.
“Do të jetë një ndeshje dëfryese në një stadium historik. Eshtë një nga ato fusha ku fitorja nuk harrohet.” Sportingu i Gijonit e pasoi fitoren ndaj Seviljes me humbjen 3 0 në fushën e Getafes, ndërsa në mesjavë pësuan një tjetër humbje, ndaj Majorkës, 3 1 për Kupën e Mbretit. Në këtë takim, trajneri Manel Presiado la pushim disa titullarë.
Markos Sena: Dua trofe me Vilarealin
Mesfushori i Vilarealit, Markos Sena, ka deklaruar se do të donte të fitonte një titull këtë sezon, pasi karriera e tij është drejt perëndimit. Lojtari 34-vjeçar do të jetë pa kontratë në fund të këtij sezoni, por ka shpresa se mund të rinovojë edhe për një vit dhe do të mbetet në “El Madrigal”. Ai ka pohuar se do të donte të fitonte një trofe me “nëndetësen e verdhë” para se të lërë futbollin.
Në një intervistë të tij, ish-lojtari i Spanjës ka thënë: “Unë kam kaluar shumë vite të bukur këtu dhe kam pasur shansin të luaj edhe në Ligën e Kampionëve, por objektivi parësor i klubit është të fitojmë një titull. Edhe unë këtë synoj. Në fund, nëse do të arrijmë të kualifikohemi për një vend në Champions, do të ishte një arritje e madhe dhe tifozët do të ishin të lumtur nëse e bëjmë këtë. Por sigurisht që qëllimi është të bëjmë një sezon shumë të mirë dhe një titull nuk do të ishte keq”, ka thënë Sena.
Huan Kapdevila, në shënjestrën e Juves
Juventusi është duke e mbajtur nën vëzhgim mbrojtësin e majtë të Vilarealit, Huan Kapdevila, sipas menaxherit të lojtarit. Bardhezinjtë janë në kërkim të një përforcimi për këtë rol në skuadrën e tyre dhe me sa duket e kanë identifikuar lojtarin e Spanjës si kandidatin perfekt. Fituesi i Kupës së Botës do të mbetet pa kontratë me klubin spanjoll në fund të sezonit dhe Juvja synon ta joshë mbrojtësin të shkojë në Itali.
Menaxheri i Kapdevilës, Horacio Gagioli, ka thënë: “Prospekti i rinovimit të kontratës nuk mund të përjashtohet. Në fund të nëntorit kemi rënë dakord me klubin për të biseduar për mundësinë e rinovimit. Huani është duke luajtur në nivelet më të larta dhe janë të shumta skuadrat që e kërkojnë. E di që Juventusi është i interesuar, por ka edhe skuadra të tjera, si Shalke, Valencia dhe disa klube të Premier Ligës.”