AKSIDENT ME 8 FERRARI, 3 MERCEDES, 1 LAMBORGHINI

Të dhëmb shpirti kur shikon këto vetura të përplasura. Ndërsa për Japoninë kjo është edhe shëtitja e ditës së Diel, më e shtrenjta në historinë e saj. 14 drejtues të veturave ekzotike sportive ku përfshihen Ferrari, Lamborghini dhe Mercedes-Benz u përplasën me njëri-tjetrin gjatë një udhëtimi në perëndim të Japonisë.

Sipas gazetës japoneze, Asahi Shimbun, në aksident janë përfshirë një grup ithtarësh të veturave ekzotike, të cilët ishin nisur drejt qytetit të Hiroshima. Por fatkeqësisht një drejtues ka humbur kontrollin e Ferrari-t të tij dhe të tjerët nuk kanë mundur të reagojnë.

Në total janë shkatërruar 8 Ferrari, 3 Mercedes-Benz, 1 Lamborghini dhe 2 vetura të tjera. Sipas vlerësimeve paraprake vlera e veturave arrin në 300 milionë yen, ose 3.8 milionë dollarë amerikanë. Në aksident ka vetëm dëmtime të lehta. Dëshmitarët okularë thanë se grupi ecte me shpejtësi të lartë midis 140-160 kilometra në orë. Sigurisht që kjo mund të konsiderohet shpejtësi e ulët për këto lloj makinash.