Bileta e finales 1000 euro

Qyteti gjerman Munih do të përfitoj 50 milionë euro në natën finale të Ligës së Kampionëve kanë bërë të ditur analistët e financave në Gjermani.

Në të zezën një biletë për duelin e së shtunës ndërmjet skuadrave Bayern dhe Chelsea ka arritur shumën prej 1000 euro. Klubi Bayern ka shpenzuar 1,5 milionë euro vetëm për organizimin e ndeshjes, por paratë do të kthehen shumëfish raportojnë mediat gjermane.

Bileta është problemi më i madh për ndeshjen finale. Dy grupet e simpatizantëve të skuadrave finaliste kanë marrë nga 17.500 bileta, ndërsa kapaciteti i stadiumit “Allianz Arena” është 66.000 ulëse.