Fejzullahu vazhdon me gola

Sulmuesi kosovar, Erton Fejzullahu, ka vazhduar me formë të mirë te Mjallby i Suedisë. Ai të enjten shënoi golin e vetëm për Mjallbyn që barazoi 1:1 me FK Goteborgun në kuadër të javës së dhjetë të Allsvenskas.

Fejzullahu e nisi dobët kampionatin dhe në disa ndeshje u desh të pajtohet me rolin e rezervistit. Por në ndeshjet e fundit ka gjetur rrugën e golit.

Ai në Mjallby është i huazuar nga NEC-i holandez. "Ishte pak stresuese derisa golat erdhën.

Erdha nga një vend tjetër dhe njerëzit prisnin gola. Për këtë arsye ishte shumë e rëndësishme që të nis të shënoj", ka thënë Fejzullahu, përcjellin mediumet sudeze.

Huazimi në Mjallby Fejzullahut i përfundon në verë. Ai nuk pritet të kthehet në NEC, ndërsa për shërbimet e tij ka skuadra të interesuara edhe në Gjermani.