Vazhdojnë shkarkimet në HEC-et e Ulzës dhe Vau Dejës

TIRANË – 29 dhjetor
Edhe gjatë ditës së sotme vazhdojnë shkarkimet nga kaskadat e dy
hidrocentraleve, të Vau Dejës dhe të Ulzës. Burimet zyrtare të OST-së
bëjnë të ditur se për shkak të prurjeve të mëdha, portat e tyre janë
hapur. Sipas buletinit zyrtar, “në HEC-n e Vau Dejes punohet me
pesë HG, me ngarkesë 245 MW. Shkarkimet në këtë hidrocentral po bëhen
në portën Nr.1, në sasinë 300 m3/sek. Edhe në Ulzë dhe Shkopet po
bëhen shkarkime me sasi prej 200 metra 3/sek. Edhe këto dy HEC-e po
punojnë me të gjitha gjeneratorët për prodhimin e energjisë.

Burime
nga OST pohojnë se në HEC-in e Fierzës, janë në punë dy HG me
ngarkese 160 MË, ndërsa në Koman të katër turbinat punojnë me
ngarkese 600 MW. Prodhimi i energjisë vazhdon maksimalisht në të
gjitha hidrocentralet e vendit.
Burimet zyrtare raportojnë për një
avari në nënstacionet e Fushë-Arrëzit dhe të Kalimashit, gjë që ka
sjellë ndërprerjen e energjisë në këto zona.

Shkarkimet nga
digat e kaskadës së Drinit dhe të Shkopetit ditën e djeshme sollën
përmbytje në disa zona të Lezhës dhe të Nën-Shkodrës. Ushtria dhe
strukturat e emergjencës civile ndodhen ende në gatishmëri për të
shmangur raste tragjedish në rast përmbytje në zonat e banuara të
ultësirës Lezhë-Shkodrës.