INSTAT i kundërpërgjigjet PS-së

TIRANE-14dhjetor :- Instituti
i Statistikave iu është përgjigjur akuzave të ardhur nga Partia
Socialiste që nuk ka reflektuar rritjen e ccmimeve veccanërisht në
shëndetësi. “Në lidhje me deklaratën e z. Ilir Beqja se INSTAT nuk ka
reflektuar ndryshimin e tarifave për shërbimin parësor spitalor për
personat e pasiguruar ju sqarojmë si më poshtë: Ndryshimi i tarifave
spitalore me Urdhër nr 559 të Ministrit të Shëndetësisë dt 26.10.2009
nuk mund të reflektohet menjëherë në shportën e mallrave të konsumit
nga pikëpamja metodologjike, për shkak se kjo do ta deformonte
rezultatin. Metodologjikisht për të llogaritur efektin e ndryshimit të
çmimeve të tarifave për shërbimet spitalore për pacientët e pasiguruar,
INSTAT duhet të disponojë një informacion shtesë për peshën që zënë
pacientët e pasiguruar që kanë përfituar shërbimin spitalor, ndaj
personave gjithsej”,-thuhej në deklaratën e ISNTAT. Sipas këtij
institucioni, numri i personave të pasiguruar, të cilat kanë përfituar
shërbimet spitalore duhet të matet të paktën për një periudhë një
vjeçare për të kuptuar se çfarë peshe zënë këta persona ndaj totalit.
Në këtë mënyrë mund të llogarisim saktë ndikimin e tarifave të
shërbimeve spitalore ndaj totalit. Kjo është edhe arsyeja që për muajin
nëntor është aktualisht e pamundur të matet kjo influencë. INSTAT
këmbëngul se “nuk ka asnjë institucion statistikash që hedh poshtë një
metodologji e cila është e mirëpërcaktuar nga Eurostat për të bërë një
ndryshim të tillë”.