Kostoja e prodhimit rritet me 0.7 %

TIRANE-4 dhjetor :-Tremujori
i tretë i vitit 2009 ka shënuar një rritje të indeksit të prodhimit me
0.7 për qind. Instituti i Statistikave publikoi Indeksin e Çmimeve të
Prodhimit për tremujorin e tretë 2009. Ndryshimi vjetor i Indeksit të
Çmimeve të Prodhimit është -0.01 përqind. Industria Nxjerrëse shënoi
një ulje prej 0.6 përqind. Këtu mund të përmendim uljen e çmimeve të
produkteve në aktivitetet “Nxjerrja e produkteve energjitike” me 0.1
përqind dhe “Nxjerrja e produkteve joenergjitike” me 0.9 përqind.
Indeksi i Çmimeve të Prodhimit në degën “Industri Përpunuese” shënoi
rritje me 1.0 përqind. Brënda saj mund të përmendim rritjen e çmimeve
të prodhimit të produkteve në aktivitetet: “Industria ushqimore” me 1.4
përqind, “Prodhimi i drurit dhe artikujve me dru përveç mobiljeve” me
1.5 përqind, “Metalurgjia dhe përpunimi i metaleve” me 2.4 përqind.
Ndërsa çmimet e prodhimit në aktivitetet e tjera si: “Industria
tekstile”, “Industria e letrës, kartonit, botime”, “Fabrikimi i
mobiljeve, shërbime të tjera” kanë shënuar ulje përkatësisht me 3.3
përqind, 0.4 përqind dhe 0.6 përqind.