Kjo është absolutisht limuzina më e madhe dhe më e rëndë në botë

Në SHBA është prodhuar limuzina më e madhe në botë. Bëhet fjalë për një model të veçantë që nuk është parë më parë në llojin e makinave të luksit. Ajo quhet “Tractor-Trailer Limousine” dhe është prodhuar nga kompania “Midnight Rider”.

Ajo ka një kokë trajleri ndërsa pjesa e pasme është një hapësirë gjigante thuajse si shtëpi, me sallon pritje dhe me gjithë aksesorët e luksit që mund të ketë një mini-vilë.

Është e gjatë 25 metra dhe peshon 25 tonë, duke shënuar dhe rekordin e limuzinës më të rëndë në botë.

Limuzina gjigante që shihni në këto foto, është ideuar gjatë vitit 1997 dhe 2004 dhe vetëm para disa muajsh është përfunduar e gjitha. Gjithë hapësira e saj është 416 metra katrorë, duke dhënë idenë e një shtëpie luksoze.

Limuzina nuk është në shtije, por jepet vetëm me qera. Nuk ka një çmim të përcaktuar, por mund të shkojë nga 3 deri në 5 mijë dollarë për një orë. Në çmim janë përfshirë dhe stafi, dy shoferë, një bariste një kameriere dhe një inxhinier./noa/