Beyonce mund t’i humbasë 100 milionë dollarë

Këngëtarja Beyonce Knowles është paditur nga kompania e video lojërave, "Gate Five", e cila kërkon dëmshpërblim prej njëqind milionë dollarësh për shkak se këngëtarja ka shkelur kontratën.

Kompania "Gate Five" i ka ofruar 20 milionë dollarë për ta quajtur një lojë "Starpower: Beyonce," për çka fillimisht kishte rënë dakord këngëtarja.

Megjithatë, pasi që ka mësuar se shuma e parave nuk do të paguhet siç ishte rënë dakord, këngëtarja ka shkëputur kontratën, të cilën kompania e ka shfrytëzuar si bazë për një padi.

“New York Post” shkruan se padia do të shkojë në gjykatë dhe se është e mundshme që Beyonce të humbasë një rast të madh për shkak se kontratën e ka ndërprerë pa paralajmërim.

Beyonce, e cila është e martuar me reperin Jay-Z dhe lindi fëmijën e tyre të parë, vajzën Blue Ivy Carter, ka refuzuar të komentojë çdo gjë që ka lidhje me këtë çështje.