Milan kerkon Guardiolen

Drejtuesit e Milanit janë në kontakte
me trajnerin e Barcelonës, Pep Guardiola pasi janë takuar me agjentin
Jose Maria Orobitg. Lajmi është publikuar të hënën nga gazeta spanjolle
"Marca", që ka njoftuar se krerët e Barcelonës i kanë ofruar kontratë
të re trajnerit spanjoll.


"Presidenti Joan Laporta është i
shqetësuar pasi Milani ka kontaktuar me Guardiolan, pikërisht për këtë
arsye ai ka ofruar kontratën e re", ka thënë burimi brenda Barcelonës.
Krahas Milanit edhe krerët e Juventusit kanë kontaktuar Guardiolan,
pasi nuk janë të kënaqur me trajnerin aktual Ciro Ferrara.