Bilanci tregtar, çdo tregues në rritje

TIRANE-6 janar-(alblink)-Instituti
i Statistikave publikoi sot të dhënat e tregtisë për muajin nëntor, ku
vihet re rritje të eksporteve, importeve si dhe të deficitit tregtar.
Sipas INSTAT, në muajin nëntor 2009, eksportet janë rritur 4.7%
krahasuar me muajin nëntor 2008 dhe janë ulur 0.8% krahasuar me muajin
tetor 2009. Ndërsa importet janë rritur me 0.9% krahasuar me muajin
tetor 2009 dhe ulur me 2.9% krahasuar me muajin nëntor 2008. Defiçiti
tregtar i këtij muaji është 28,2 miliardë lekë, duke shënuar një rrije
prej 1.5 % krahasuar me muajin paraardhës dhe një ulje prej 5.2 %
krahasuar me Nëntor 2008. Në Nëntor 2009 u eksportuan 9,6 miliardë lekë
mallra, me ulje 0.8 % në krahasim me Tetor 2009 dhe rritje me 4.7 % në
krahasim me Nëntor 2008. Gjatë kësaj periudhe importet janë 37.8
miliardë lekë duke shënuar një rrije 0.9 % në krahasim me muajin Tetor
2009 dhe ulje 2.9 % në krahasim me Nëntor 2008.