Rritet me 13 % çmimi i energjisë

TIRANE - 15 dhjetor :- Çmimi
i energjisë për konsumatorët familjarë do të rritet në masën 13 për
qind për vitin 2009. Enti Rregullator i Energjisë miratoi rritjen e
çmimit pas kërkesës së bërë nga OSSH-ja. Ndonëse ishte kërkuar 24 për
qind rritje, ERE miratoi një rritje me 13 për qind duke vendosur një
skemë të re konsumi për mbrojtjen e konsumatorëve. Kështu sipas
vendimit, konsumi i energjisë nga familjarët deri 300 kilovat ore do të
paguhet në masën 7.7 lekë pa 20 përqindëshin e TVSH-së. çdo kilovat mbi
300 do të paguhet 13.7 lekë pa TVSH-në. Rritja e çmimit duket e
pashmangshme kjo për shkak se kërkesë u bë si nga KESH, OSSH dhe OST.
Pritet që kreu i ERE-s të japë një konferencë për shtyp për shpjeguar
arsyen e këtij vendimi. Duke filluar nga janari, çmimi i ri i energjisë
do të aplikohet menjëherë. Sipas drejtuese të rinj të OSSH-së, kompania
CEZ, çmimi i energjisë do të rritet në këtë konstante për disa vite
rresht.