Këngëtarja e parë, që i bën një dhuratë emigrantëve shqiptar

Poni i dhuron albumin e fundit bashkatdhetarëve tanë, që e kanë mbështetur në të gjitha koncertet

Albumi që Poni u dhuron bashkatdhetarëve të saj në Greqi, përmban
një pjesë të krijimtarisë brilante të popullit tonë. Tekstet, muzika,
kënga jonë e bukur, janë pjesë e atij thesari të çmuar, që është
ruajtur ndër vite për të shpërthyer tani, me një nivel të lartë
artistik nga këngëtarja e njohur vlonjate, PONI.
PONI,
këngëtarja që ka fituar simpatinë e të gjithëve, vjen në faqet e
gazetës më të madhe shqiptare, që del për komunitetin tonë në Greqi,
për t’i dhënë emigrantëve në këtë fundvit, një dhuratë më shumë për
festat, një gjë të shtrenjtë, siç është kënga. Në këtë kohë, kur ata
ndodhen larg atdheut, këngët e kënduara nga Poni shuajnë sadopak edhe
mallin e tyre për vendlindjen.