Facebook zbulon shërbimin Timeline

Facebook më në fund ka zbuluar shërbimin “Timeline”. Për herë të parë shërbimi u ofrua në Zelandën e Re ndërsa tashmë ajo do të jetë e vlefshme për të gjithë përdoruesit e rrjetit social pavarësisht vendndodhjes.

Duke klikuar facebook.com/about/timeline do mund të mësoni më shumë mbi këtë shërbim. Më pas duhet të klikoni butonin “Get It Now”.
“Timeline” shërben për organizimin e profilit tuaj në mënyrë kronologjike. Kjo do t’ju ndihmojë për të rigjetur gjërat që keni bërë share si edhe të mblidhni momentet e bukura.

“Është zemra e eksperiencës së Facebook-ut|, tha Zuckerberg në konferencën për shtyp. Për ata të cilët nuk do u pëlqejnë një gjë e tillë, Facebook u lejon 7 ditë për ta parë dhe më pas të vendosin nëse Timeline i tyre duhet të bëhet publik apo jo.