Rrëmben vajzën, i shkruan të ëmës në Facebook: Nuk do ta shohësh më

Ka përfunduar në një histori të dhimbshme martesa e një italianeje me një sirian. Mohammed Kharat dhe Alice Rossini u martuan para tre vitesh dhe sollën në jetë një vajzë.

Por pas divorcit, burri vendos të largohet nga Italia dhe të marrë me vete dhe vajzën 21 muajshe të cilën gjykata nuk ja lejonte. Mohammed Kharat është zhdukur që prej nëntorit së bashku me vajzën, Emën duke mos lënë asnjë gjurmë të tijën në Itali.

I vetmi kontakt është rrjeti social Facebook, ku Mohammed Kharat vazhdon të persekutojë të ëmën.

Ndërkohë që policia Italiane është vënë në ndjekje të gjurmëve të burrit 25 vjeçar, ai i shkruan të ëmës së vajzës në “wall” se nuk do ta shoh më kurrë vajzën 21 muajshe.

“Më fyeu dhe më tha në mesazh privat se pas disa ditësh do të ndërronte vendbanim dhe Emën nuk do ta shihja kurrë më dhe se duhet ta harroja”, deklaroi gruaja.

Policia ka niste hetimet dhe ka kërkuar edhe bashkëpunimin e palës siriane, por duke qenë se vendi është në trazira, askush nuk më njoftime në lidhje me fatin e vajzës. Të vetmet të dhëna mbeten ato në Facebook dhe mesazhet që i ka duruar gruas, ku i thotë të harrojë vajzën, pasi “nuk do e shoh më”./noa/