Shqiptari që kërkon të thyejë rekordin “Guiness” me 1 milionë komente në Facebook

Gentian Cela është një i ri i apasiunuar pas internetit dhe kryesisht pas rrjetit social Facebook, i cili ka vendosur që të thyejë një rekord “Guiness”: Të marrë numrin më të madh të komentetve në Facebook. Me temën “A flejmë gjumë?” në faqen e tij “Jeta osh qef”, të krijuar më 3:07 të datës 5 mars po përpiqet të thyejë rekordin aktual të amerikanit Tracey Hodgson i cili ka mbledhur 1.001.552 komente në tre muaj.
25 ditë para përfundimit të afatit, Gentiani rrëfen për mediat se ideja i lindi duke administruar faqen e tij e cila është mjaft e suksesshme.”Duke qenë se jam shumë i dhënë pas faqeve online dhe lexoj informacione të shumta për to, më tërhoqi ideja e përdorimit të komenteve për një qëllim tjetër. Jo më vetëm si një mënyrë për të komunikuar dhe shprehur mendimet tona rreth temave të ndryshme, por edhe për të thyer rekorde. Kjo edhe për faktin se në faqe, aktiviteti i komente ishte 24 orë. Ndaj hodha idenë e rekordit botëror të komenteve dhe mbështetja e fansave të faqes ishte e menjëhershme. Të gjithë nisën që të komentonin, të shpërndarin temën e cila duhej të thyente rekord dhe e ndjekin atë rregullisht. Shpresoj që flamuri shqiptar të triumfojë në këtë rekord”- rrëfen Gentiani

Më tej ai tregon se është plotësisht i binduar se me ndihmën e fansave ka për tja arritur qëllimit. Deri më tani ka mbledhur 680 841 komente megjithëse mijëra komente i kanë humbur pasi njerëzit kanë komentuar lajmërimin dhe jo linkun.
I pyetur për strategjinë që po ndjek ai përgjgjet: Strategjia ime? Vendosmëria dhe vetëm vendosmëria. Në fillim nisi si një dëshirë, por më pas u kthye në një lloj detyrimi. Do të inkurajoja dhe do të mbështesja cilindo që të ketë nisma të tilla, të cilat do të bëjnë që edhe Shqipëria të ketë vendin e saj në librin e rekordeve “Guinnes”.