Justin Timberlake do te behet baba

Shumë shpejt, Justin Timberlake mund të bëhet baba. Jessica Biel, partnerja e tij prej kohësh, dëshiron një fëmijë, të paktën sipas asaj që ka bërë të ditur revista “Now”.

Saktësisht duket se kanë qenë disa miq të Biel, të cilët duhet të kenë zbuluar planet tashmë jo sekrete të çiftit. “Përjashto ndonjë të papritur të minutës së fundit, shumë shpejt do të deklarojnë fejesën e tyre. Për më tepër, Jessica ka ndryshuar dietë dhe stërvitje fizike, në mënyrë që të mbesë shtatzënë sa më shpejt të jetë e mundshme”, deklaroi një prej miqve të çiftit.

Me një martesë të afërt, në këtë mënyrë duket se Justin e Jessica janë gati të krijojnë një familje. Në mars, të dy u ndanë pas 4 vjetësh lidhjeje, për t’u ribashkuar vetëm pas pak muajsh. Duket se largësia i bëri të kuptojnë se ishin bërë për njëri-tjetrin.
Burimi: AlbNews